ನೀನೇನಾ..?

ನಿನ್ನ ನೆನಪು..

ನವಿಲು ಗರಿ ತಾಕಿದ ಹಾಗೆ

ರೇಷ್ಮೆಗಿಂತ  ನವಿರು..

ತಂಗಾಳಿ ಬೀಸಿದ ಹಾಗೆ

ಸುಳಿದಷ್ಟೂ ರೋಮಾಂಚನ..

ಸೋನೆ ಮಳೆ ಹನಿಸಿದ ಹಾಗೆ

ಮನಸೆಲ್ಲ ಒದ್ದೆ ಒದ್ದೆ..

ಹಸುಗೂಸಿನ ಮುಗ್ಧ ನಗುವಿನ ಹಾಗೆ

ಕಂಗಳಲ್ಲಿ ನೂರು ದೀಪಾವಳಿ..

ಕಾಡೋ ತುಂಟ ಮುಂಗುರುಳ ಹಾಗೆ

ತಾಕಿದಷ್ಟೂ ಕಾಮನೆಗಳ ಜಾತ್ರೆ..

ಚಂದನದ ಕಂಪಿನ ಹಾಗೆ

ಸುಂದರ ಸಂಜೆಗಳ ಸಂಗಾತಿ..

ಮಲ್ಲಿಗೆಯ ಘಮದ ಹಾಗೆ

ಹೆರಳಿಗೂ ಸ್ಪರ್ಶದ ಕಾತರ..

ಹೂ ಮೈಯ್ಯ ನೇವರಿಸಿದ ಹಾಗೆ

ದುಂಬಿಗೀಗ ಹೊಟ್ಟೆಕಿಚ್ಚು..

ಕಡುಗಪ್ಪು ಕಂಗಳ ಮಿಂಚಿನ ಹಾಗೆ

ಒಂದೆಳೆ ಕಾಡಿಗೆಗೂ ಕೌತುಕ..

ಆ ಕಂಗಳಲ್ಲಿರೋ ಚಿತ್ರ ನಿಂದೇನಾ..??

ಆ ಮಿಂಚಿಗೆ ಕಾರಣ ನೀನೇನಾ..??